外國生活小故事

過左美國讀書都差唔多兩年了 唔長唔短

不過係段時間入面已經改變左好多我嘅價值觀

好多人都好好奇 到底係外國讀書嘅生活係點

最多人問嘅就係:外國讀書係唔係好hea嫁🤔

話你知 一 啲 都 唔 HEA ! 忙到爆炸😤

(圖為內容為考試範圍嘅十分一 都冇)

Essay多 考試多 活動多

為左有個好嘅GPA

我地好多時都可能忙到2 3點先有得訓😭

所以咪再話外國讀書好輕鬆啦😶

正所謂 努力就係為咗畀人地覺得你毫不費力🤪

講下美國生活先

我地好識 苦中作樂

因為美國消費好高 不過買餸就好平

所以得閒喺放假嘅時候

一係煮下野食(唔可以唔提 大部分日本人都好識煮嘢食)

一係約埋一齊打邊爐 😋😋

8個人食到超級飽都係大約9蚊美金一個人

(個牛扒大過我塊面都只係80蚊港紙🤭)

講到食野可以特別提下美國嘅小費

係美國我地可以自由決定比唔比小費

不過我通常都會比

因為聽講侍應都只係得底薪十蚊美金一日

佢哋真係靠小費過活嫁

佢哋好希望可以畀個好印像你

所以如果去到美國食嘢嘅時候

侍應走過嚟問你 “How is the food?"

你唔好不爽覺得佢哋煩住你

你可以好簡單咁答一句

"Gooood~~"

之後走嗰時畀返啲小費(我通常比10%)

佢哋就會對你好appreciate嫁啦😆

我哋喺美國會有兩個好長嘅假期

第一個係Thanksgiving(7日)

第二個係spring break(10日)

通常係呢個時候學校就會踢你走 唔畀你留喺渡😵

變成無家可歸我唯有同朋友出走去旅行

通常Thanksgiving我就會去Newyork 因為四圍買嘢都好平 咁所以梗係唔會放過呢個機會去瘋狂shopping啦🤪 打卡啦😳



至於spring break 上年我就同咗朋友去orlando嘅迪士尼同環球影城玩✈✈

價錢其實真係好抵玩

本身以為迪士泥🎡好大一定玩唔曬啲機動遊戲

不過😚原來只要巧妙咁用fast pass

基本上每個機動遊戲都可以玩倒兩次以上🚀

念反起去上年真係好開心😆

可惜💸💸而家即將破產 冇錢去旅行嘅我🍃

唯有睇返啲相回味下😭💔

永遠最精彩嘅相片

只會出現係sem尾 執嘢嘅時候🤦🏻‍♀...

洗衫 入箱 存放...

同時間😪代表依一年終於完結👋🏻

同我終於可以放四個月嘅暑假啦🤪🤪🤪